馬祖台灣養生湯麵館 (厚福街)

Open Now

Now Closed

今日響尖沙咀有啲嘢做，經過呢間麵店比佢嘅湯底吸引咗，一於試吓😋我揀咗自選麵套餐：1款湯底+1款麵+2款配料。湯底好幾款，但係見到藥膳醉雞湯又感覺唔錯喎😋湯底入面有紅棗、杞子，飲落口好香藥膳，帶有少少醉雞嘅酒香，甜甜地😋麵底我就揀咗米線，米線爽口👍🏻而配料我揀咗墨魚春卷、鍋燒牛肉。墨魚春卷鮮味又夠彈牙😋而鍋燒牛肉同埋洋蔥一齊煮，所以好香甜又淋😋除咗自選配料之外，仲有木耳添，木耳夠哂爽口又大👍🏻另外我額外加咗一份滷水雞翼（3隻），雞翼夠哂入味，仲唔會滷到梅淋淋👍🏻👍🏻套餐包括咗一杯野飲，而且選擇好多👍🏻👍🏻我揀咗凍無糖苿莉花茶🍹配埋湯麵正呀