熊館 (Closed)

其實觀塘區真係好多唔同種類嘅野食 令人花多眼亂 今日同fd出去觀塘整完野 係附近行左好耐見到依個舖頭 比佢嘅雞酒麵吸引到 就入去左去試下 而且價錢都唔算貴秘製雞酒湯麵依個麵平時比較少見 因為平時見到啲人講花雕酒多 夠特別🙈碗麵真材實料 份量適中 麵質好彈牙 雞肉都好多 煮得軟滑 肉質幼嫩 入面仲有唔少姜粒 個湯聞落好香酒味 唔會好油 飲落個胃feel到暖笠笠 好驅寒 正呀酸辣魚片湯麵份量適中 個湯睇落去清清地 但佢嘅配菜都幾多下 魚片又多 個湯飲落酸酸地 又唔會好辣仲配左個小食 花雕酒滷水雞蛋 睇落平平無奇咁樣 本身以為佢係實心蛋 一咬開先知係糖心蛋🤩花雕酒味慢慢滲出黎 酒味唔會好重 又唔會搶左蛋嘅香味