鋒哥廚房 (Closed)

如果想去呢度食任食，就一定要揀5-7, 唔會塞。而且仲可以以優惠價錢入座添。呢個時段只需要二百幾蚊就可以任食，非常之抵。😇一入到去首先睇一睇個自助區，有配料同幾樣蔬菜，選擇都ok。至於雞煲同羊腩煲嘅決擇方面我哋最後都係決定試羊腩煲（其實如果大食嘅人可以兩樣都食嘅）。🤗枝竹雙冬羊腩煲🐐好暖暖嘅一大鍋，陣陣嘅飄香真係好吸引。一啖羊肉一啖支竹，都充滿咗獨有嘅酥香又唔會太鹹。黑蒜豬骨湯 🐷有啲似出前一丁麻油豬骨湯。不過呢度嘅味道更加前更加真實，仲有原嚿嘅豬骨。喺個湯入面加啲螺肉，令螺肉吸收哂豬肉嘅香氣，更加鮮甜。啤酒🍺呢度罐裝飲品、啤酒任飲，真係要整番幾杯啤酒啤啤佢啦。款式都幾多，唔錯架。