牛大人台灣火鍋吃到飽 (瓊華中心) (Moved) New Location

呢排天氣真係凍左好多，令到打邊爐個意慾增進唔少。食過咁多間打邊爐都係牛大人最方便同啱胃口，所以心動不如行動book枱食翻餐。當日就book左5點鐘，可能早啦一去到唔係太多人，揀完個湯就即刻出左去拎野飲先。出到去估唔到嘅係多左Qoo可以飲，一排無黎都比佢驚喜到，keep住有加唔同嘅野食野飲抵讚。今次我地揀左最貴果個餐，一黎職員就放底左幾粒牛丸先，本身以為都係啅頭野(澳洲M9和牛牛丸) 但去到之後一食果然有驚喜，和牛牛丸就好香牛肉味同平時街到食嘅牛丸係兩個級數而且重好彈，可惜嘅係無得任食。另外今次主力食嘅係澳洲和牛M5牛肩卷同埋手切封門柳，澳洲和牛M5牛肩卷同平時一樣質素唔錯，而手切封門柳真係唔可以唔讚，質地軟滑好嫩口，簡單淥幾下就可以食得，全晚要不停㩒手機落單。