帶子鰹魚湯赤雞胸拉麵
個湯底真係不得了，一上枱已經聞到陣陣鰹魚香，飲落去清得嚟又夠鮮甜，完全唔會覺得油膩。最驚喜係個赤雞胸，平時驚佢嚡口，但呢度整得幾滑，仲要好入味，成碗麵食落好舒服，清清爽爽但又唔失味道。
黑蒜濃厚山藥豚骨拉麵
鍾意濃味嘅你一定唔可以錯過！個黑蒜油香到呢～一上枱已經聞到陣陣蒜香，飲啖湯，豚骨嘅濃郁同黑蒜嘅香味真係夾到絕！山藥打成蓉溶咗落湯度，令到個口感更加滑溜。叉燒肥瘦適中，入口即化，成碗麵由頭到尾都保持到個濃厚感！
芝麻手羽
呢個雞翼真係整得幾出色，外面脆卜卜，裡面仲保持到肉汁。最正係面頭嗰層芝麻，烘得香噴噴，咬落去芝麻香同雞肉味一齊爆出嚟！
蒜香雞軟骨
雞軟骨炸得金黃香脆，咬落去"索索"聲，但又唔會太硬。蒜香味夠晒突出，每粒都沾滿蒜粒同調味，鹹香得嚟又唔會過濃，食到最尾都唔會覺得膩！
幸屋 (灣仔)
灣仔機利臣街5-9A號維昌大廈地舖
