椰籽 (Closed)

放假同男朋友行完airside，之後再行落九龍城搵野食，經過呢間椰子飲品店，就想飲杯熱飲，叫左杯熱濃香椰子朱古力，熱飲都好大杯，店員都提醒小心熱，好細心，朱古力真係好香濃，又唔甜，飲完成個人暖笠笠。男朋友叫左杯招牌椰子特飲，我試左啖都好好味，椰子超多，飲到一絲絲椰子，男朋友話飲完唔漏又解渴，好想飲多杯。我地仲加左支鴨屎香檸檬茶，因為而家可以半價加購，就算原價我地都覺得抵飲，因為成支鴨屎香檸檬茶係冇冰嘅，唔會2啖飲完，又唔會飲飲下變淡，好過出面果d檸檬茶鋪。