不過平時都只係買下包食都無認真坐低食野
因為先生牙痛就一心去食下腸粉粥啦
點知先生坐低就話食豉油王炒麵+蘿蔔糕
大大碟炒麵 唔油膩
蘿蔔糕有好多蘿蔔絲
雖然豉油偏甜少少 但都好香好味
老娘就要最貴既滑雞魚腩生滾粥 另加鮮蝦腸
粥超綿超軟 勁鍾意
雖然雞件唔算多但好香雞味 食得到係新鮮雞件
魚腩好大塊好足料
唔鐘意食有骨魚如老娘 都肯慢慢食哂佢
唯一不足就係鮮蝦腸
其實布拉腸粉仲要即叫即蒸係好淋好軟滑好好食
可惜鮮蝦係假爽口 真係稍微拿得多左
不過總括黎講 即叫即蒸即滾 真係好值得食
姨姨仲有賣啲傳統糕點 好似白糖糕紅糖糕 得閒又再試下
