Curry Bee

Open Now

Now Closed

行完Sogo想食日式咖哩，啱啱經過就入去試下啦。 餐廳大小適中，約可以坐30人，我在晚上九點幾去到都仲坐滿，心想食物質素應該不差掛？一坐低服務員就俾餐牌同暖水我，出面而家咁凍，好細心啊，服務態度都幾好。睇咗一陣，決定試下佢嘅吉列豬扒奄列咖哩飯。咖哩味道正宗、香濃，正正係我想要的味道，唔錯，反而係豬扒的質地太硬，炸得唔夠鬆脆(可能係放耐咗？) 。奄列係薄薄嘅一層煎蛋皮包住白飯，同我期望嘅厚蛋奄列爭少少，但整體而言都算不過不失。如果我有日又喺銅鑼灣想食咖哩飯，或者會考慮再去。