熊館 (Closed)

呢排都唔係好想出街食飯，但係今日去接女朋友收工。所以就去佢公司附近一間好出名食雞酒嘅鋪頭食。我同女朋友都叫咗秘製雞酒湯麵食，而家仲有個優惠套餐，可以送多隻滷水蛋俾我哋食。  秘製雞酒湯麵+滷水蛋1隻 $65 個雞酒湯好好食，好重薑味，比我感覺到真係好用心去整個湯底，但係麵相對上就煮淋左少少。 其實雞酒湯有好多好處，尤其是係對女士可以用雞酒去補身，依家天氣仲未係好熱嘅時候，都可以去試吓。因為呢啲天氣去食，食完好暖身好補。 而且雞酒湯入邊嘅薑可以去驅風補血強身，而家疫症嘅情況更加要補多啲唔好俾自己咁易病。  如果下次再食試下配飯先，可能會再好食啲。