少爺18 (Closed)

2018最後一日午餐，選擇咗喺呢間食，原因其他餐廳全部排滿晒人⋯可能少爺18入口好唔顯眼，入去嘅時候仲有少量位置！有BB櫈提供,而且景觀不錯架！落地玻璃望住出邊街景，夠晒光猛！小朋友一路食一路望風景望車～我眼闊肚窄，一大一細叫咗兩樣！最後我包底食到勁飽！有午市套餐，叫咗個肉碎闊麵$8x，味道唔會太咸，面身偏軟，小朋友都啱食！另一個叫咗雜菜粉絲$5x，有啲麻油香味，我鍾意食菜，啱晒我胃口！仲有配一個白飯㗎！呢個餸幾好食，味道濃啲，送飯不錯！*地方舒適而且味道唔差，會再幫襯嘅餐廳！