Video
Read full review
2017-11-15
2426 views
見到呢間餐廳咁多好評，就決定一行六人會一會佢，點知一間所謂高級餐廳可以咁離譜，雖然好少寫食評都實在係不吐不快，只為道出真相。入到餐廳，29樓既落地玻璃望出去，成個維港一覽無遺，景觀的確無可挑剔。打開餐牌，中西各種食物，從炸薯條到鮑魚，甚至牛扒鵝肝佛跳牆都共冶一爐，呢個概念其實唔錯，而且特別受外國人歡迎。是晚客人唔多，成間餐廳都係得五六枱客，但waiter都係得2-3個。我地就乜都叫下啦，每人一個maindish再加d小食。小食∕前菜：醉蝦、炸魷魚鬚、海鮮拼盤主食：燒羊架、西班牙海鮮飯、燒豬手、Set Dinner x 3、龍蝦湯白酒一支落左單之後白酒好快到，開左支酒大家就開始飲，點知跟住坐左差不多半個鐘，只係食過一碟醉蝦，醉蝦酒味夠香，但Size太細兼唔算新鮮，6隻蝦毛就已經差不多$100。另一方面，白酒都差不多飲晒，而野就仲未有得食。再過一陣終於有野食，原來係西班牙海鮮炒飯，但其他小食就仲未到喎，再過一陣又黎燒羊架，但其他主食都係冇影。咁當中兩個人就唯有自己食住先。試問一間咁貴既高級餐廳有咩可能亂咁出菜呢？花園餐廳都唔會啦！於是我地就問一問waiter點解會咁，點知佢答都唔答，頭也不
入到餐廳，29樓既落地玻璃望出去，成個維港一覽無遺，景觀的確無可挑剔。
打開餐牌，中西各種食物，從炸薯條到鮑魚，甚至牛扒鵝肝佛跳牆都共冶一爐，呢個概念其實唔錯，而且特別受外國人歡迎。
是晚客人唔多，成間餐廳都係得五六枱客，但waiter都係得2-3個。我地就乜都叫下啦，每人一個main
dish再加d小食。
小食∕前菜：醉蝦、炸魷魚鬚、海鮮拼盤
主食：燒羊架、西班牙海鮮飯、燒豬手、Set Dinner x 3、龍蝦湯
白酒一支
落左單之後白酒好快到，開左支酒大家就開始飲，點知跟住坐左差不多半個鐘，只係食過一碟醉蝦，醉蝦酒味夠香，但Size太細兼唔算新鮮，6隻蝦毛就已經差不多$100。另一方面，白酒都差不多飲晒，而野就仲未有得食。
再過一陣終於有野食，原來係西班牙海鮮炒飯，但其他小食就仲未到喎，再過一陣又黎燒羊架，但其他主食都係冇影。咁當中兩個人就唯有自己食住先。
試問一間咁貴既高級餐廳有咩可能亂咁出菜呢？花園餐廳都唔會啦！於是我地就問一問waiter點解會咁，點知佢答都唔答，頭也不回就走左去，我地大家都呆晒。
之後搵左個貌似經理既女人，佢只係不停話唔好意思會幫我地跟跟，又話係佢安排得唔好，但對於點解會咁，佢始終唔肯正面回答。
經過一番對話，出菜終於快返少少，食完兩個main dishes又可以食返炸魷魚鬚同海鮮拼盤，Set
Dinner的餐湯都終於開始上枱，但上完兩碗又偏偏差一碗隔多15分鐘先到，搞到一枱六人食野亂晒籠，完全唔係同一個步伐。然後碗湯未飲完waiter又行埋黎想收……
請問我地食緊大排檔嗎？
等多半個鐘，野食差不多上齊晒，大家差不多飽，只差一個Dinner Set的主菜－和牛鵝肝始終未到，於是我地唯有又問問啦，點知原來廚房漏左煮！真係唔問下都冇人醒起，話說朋友係因為想食鵝肝先叫呢個套餐，點知最重要果樣都可以漏，最後經理同意幫我地cancel左成個set。
杯盤狼藉過後，只差Set dinner三件蛋糕未到，我地等呀等等呀等又等左15分鐘，最後都係要三催四請先至有得食，但大家既忍耐力已經到達臨界點。
再問經理點解會咁，佢眼含淚水話樓面廚房都得返兩個人，所以安排亂左。但睇返成晚一半都未坐滿，已經搞到咁，如果full
booking會係咩環境呢？結果客人一肚氣伙記又覺得委屈，餐廳負責人如果有一絲既承擔，會唔會咁樣安排呢？
最後擾攘一輪，餐廳好唔情願咁俾左全單八折，但6個人每人都食左成$500
總結其實呢間野食物質素唔算差（但又唔係好好食，唔值呢個價錢），但服務安排可謂不知所謂，連基本野都可以錯漏百出，簡直係貼錢買難受的最佳體現。奉勸大家有得揀都唔好去呢間啦，同樣價錢有大把更好的選擇。
Post