廣東茶居 (Closed)

今日嚟個親子日，其實係帶父母去太空館天象廳睇電影，因為爸爸喜歡飲茶，要坐得舒服又唔駛等位，喺尖沙咀唔一定去消費較高既酒店中菜廳，嚟廣東茶居都唔錯。我地之前已打電話訂枱，所以唔駛等位就入得。茶居有點像新派點心店，裝修就懶有舊茶樓feel，掛哂雀籠咁，我地坐卡位，尚算舒服，不過枱較細，所以唔可以一次過點太多野食！點心種類唔多，一張A5大小雙面印既點心紙講哂，都係大路既蝦餃燒賣鳳爪牛肉咁，我地唔係點左好多，反而我地點了一個四人午餐，包括老火湯﹑豉油皇煎大蝦﹑薑汁炒芥蘭﹑豆腐魚腩煲及三杯雞煲，套餐亦包白飯或粥4碗。另加點蝦餃﹑叉燒包﹑鳳爪﹑燒賣同鹹水角，勁豐富，所以食唔哂，叉燒包原封不動咁打包讓媽媽做下午茶定宵夜。上菜速度幾快，而且味道唔錯，叫咁多野食都係$728，算唔錯了。有機會或有需要都會再嚟既！