第五街冰室 (京瑞廣場) (Closed)

夜晚兩公婆同BB一齊去石門食飯，貪有個位可以放到BB車，就入左去。入坐左個近門口位，雖然餐廳已經加左D風機，但明顯冷氣不足有D熱，我估如果日頭有太陽晒入黎仲熱。兩個人叫左一個海南雞餐同薑蔥魚腩煲餐，海南雞唔錯，夠滑夠味，但味有D似沙薑雞Feel。D味飯就好差，好乾似飯焦，要撈D例湯先食到。薑蔥魚腩煲好食，炸得夠火侯，夠野味。兩個餐埋單$150，都幾抵食，可以再來，不過可能要等無咁熱先。