富泰家 (Closed)

今晚心血來潮又想食下富泰家既芝士撈麵。搬左新鋪之後我都係第一次食，"友人"就食過幾次。脆皮雞扒芝士撈麵($53)雞扒夠味，但芝士超級淡，形成強烈既對比，唔夾(芝士係主角，點可以俾配角搶風頭)。芝士撈面既份量比普通撈面少，但芝士撈麵既價錢仲貴過普通撈面，可能係貴在芝士? 但尼間既芝士似係用芝士粉開，同價錢唔成正比。(個人口味: 2/5)蒜香牛柳粒撈麵配綠茶($52)蒜香牛柳粒撈麵係"友人"既摯愛，牛柳粒份量都幾多，燒得幾好，有牛味，亦都幾juicy，醬汁都好味。撈麵辣辣地幾惹味幾好食，但真係同印x撈麵差唔多level。至於綠茶就正常。(個人口味: 3.7/5)牛柳粒撈麵配埋飲品仲比雞扒芝士撈麵平$1，芝士撈麵既撈麵份量仲比普通款撈麵少(應該唔係我地既錯覺?)。如果有機會再食，我一定唔會再叫芝士撈麵。雖然普通撈麵比芝士撈麵好食，但真係同印x撈麵差唔多，一諗起印x撈麵既成本都係$2-3/個就覺得唔抵食。