敏華冰廳 (壹嘉)

Open Now

Now Closed

有一段日子無食茶記了，今日忽發奇想，諗起公司附近果間敏華冰廳一直都未食過，所以今日就去試下！去到門口見到有幾個人排隊，聽同事講已經比平日少人(平時起碼10+人)，更加加強左今日要食佢嘅慾望。原來而家敏華冰廳都採用左電子落單方式，對我地後生嚟講真係方便左好多，記得以前招手要侍應落單都有排等，而家一部手機就搞掂哂，慳返好多時間~(不過對長者嚟講就無咁方便了，希望餐廳喺追求電子化嘅同時，都唔好遺忘有實體落單需要嘅一群~)筆者嗌左沙茶牛肉米粉常餐，配雙腸炒滑蛋、多士同一杯熱飲(凍飲加$3)。味道嚟講，普普通通，並無突出之處；份量方面亦略少，尤其係牛肉同米粉嘅份量，真係俾得太手緊。餐飲嗌左熱奶茶(茶走)，幾好飲，算係成份餐唯一嘅安慰......價錢方面，total $57，性價比低，整體嚟講都係一餐非常普通嘅午餐，總結一句：唔值得排隊。