Video
Read full review
2021-06-20
82 views
我成日去旺角上海街618都唔知原來佢除左地下嘅蘇媽蘇媽，天台仲有間餐廳🤔見佢網上好評咁多，就決定去試下，不過食完我覺得比較普通，應該唔會再食啦🙈🐰一汁三菜便當 $150一菜-漬物三吃🍄二菜-日本極上太白63度慢煮蛋🥚三菜-(五選一）高野豆腐豆乳豚肉野菜卷配櫻花蝦🌸汁：鰹魚昆布高湯佢地嘅主打「一汁三菜」便當🍱其實就係茶漬飯，當中嘅「汁」同「一菜」、「二菜」係固定左嘅，「三菜」即係主菜，就有五款選擇，我朋友就揀左烤芝士漢堡扒做主菜🤪如果同枱嘅人都係食便當仲可以無限添飯同湯添🤓（不過其實我地都覺得佢太多飯......一黎食唔哂，二黎有啲難加湯去泡飯，叫少飯會更好！）雖然個便當好過癮同埋都幾靚，但我覺得味道就比較普通😶同黎泡飯嘅湯味道比較淡，唔係好飲到鰹魚/昆布味，比較似平時食烏冬個啲清湯🤣而且因為佢地提供嘅係榖物御飯，食落比較乾同硬身，需要比較多湯去送飯，令人更加覺得個湯無咩特別。本身都幾期待個豆乳豚肉卷，但又係同預期有落差，個湯食唔到豆乳味，入面嘅豚肉肉質🐖比較淋，無咩豬肉味，連埋外面層菜🥬食其實係口感同味道上都無咩層次感，比較普通。因為我本身好憎食唔熟嘅蛋，所以都評價唔到個蛋嘅好壞🥲不過
我成日去旺角上海街618都唔知原來佢除左地下嘅蘇媽蘇媽，天台仲有間餐廳🤔見佢網上好評咁多，就決定去試下，不過食完我覺得比較普通，應該唔會再食啦🙈
🐰一汁三菜便當 $150
一菜-漬物三吃🍄
二菜-日本極上太白63度慢煮蛋🥚
三菜-(五選一）高野豆腐豆乳豚肉野菜卷配櫻花蝦🌸
汁：鰹魚昆布高湯
佢地嘅主打「一汁三菜」便當🍱其實就係茶漬飯，當中嘅「汁」同「一菜」、「二菜」係固定左嘅，「三菜」即係主菜，就有五款選擇，我朋友就揀左烤芝士漢堡扒做主菜🤪如果同枱嘅人都係食便當仲可以無限添飯同湯添🤓（不過其實我地都覺得佢太多飯......一黎食唔哂，二黎有啲難加湯去泡飯，叫少飯會更好！）
雖然個便當好過癮同埋都幾靚，但我覺得味道就比較普通😶同黎泡飯嘅湯味道比較淡，唔係好飲到鰹魚/昆布味，比較似平時食烏冬個啲清湯🤣而且因為佢地提供嘅係榖物御飯，食落比較乾同硬身，需要比較多湯去送飯，令人更加覺得個湯無咩特別。
本身都幾期待個豆乳豚肉卷，但又係同預期有落差，個湯食唔到豆乳味，入面嘅豚肉肉質🐖比較淋，無咩豬肉味，連埋外面層菜🥬食其實係口感同味道上都無咩層次感，比較普通。
因為我本身好憎食唔熟嘅蛋，所以都評價唔到個蛋嘅好壞🥲不過朋友話係好食同無蛋腥味嘅。
🐰桂花麻糬傳統班戟 $85
班戟口感都幾鬆軟，蛋味唔算特別突出，上面撒左好多桂花碎，不過食落其實無咩桂花味🥲入面嘅麻糬都幾大舊同煙韌，配埋雪糕同生果都幾好食🥞
如果想食甜品都可以試下。
✨✨整體黎講，我覺得食物味道普普通通，無網上講得咁好食，如果咁啱行過都可以食下。不過佢環境係唔錯，有成層連埋空中花園畀人坐，係旺角都算難得。
Post
