@東京 (Closed)

2008年7月23號 - @東京 @TOKYO銅鑼灣軒尼詩道505號電業城2樓遲了放lunch... 本來想去煮館，但係好多地方都full晒要等位，同事提議去@東京睇下。入到去都差唔多爆晒，好在仲有位，坐低睇左陣餐牌，有三款set lunch，飯set，麵set同壽司set。我地分別叫左豬扒飯x1，吉烈豬扒拉麵x2同壽司set，不過個餐唔包野飲，要自己加9蚊轉特飲，唔係咁得囉。豬扒飯 - 同事話ok。吉烈豬扒拉麵 - 唔係好得，雖然話係拉麵，但係食落同食公仔麵無咩分別，拉麵勁淋，個湯又有少少過咸，豬扒普普通通，而且係好乾身。壽司set - 同事話唔錯，雖然我睇落都覺得過得去，不過如果要我比55蚊食個咁既餐，我情願落sogo或者citysuper加多十蚊買好過。特飲 - 唔記得叫左d咩，不過我諗應該算係最好味的了。間野真係麻麻，成間野黑媽媽，收我40蚊一個lunch，仲要無野飲，我情願比貴小小去千秋樂好過。