休閒茶座 (Closed)

天氣咁好，就出去走走，去咗馬鞍山探索館，行咗一個圈就回程，見都午餐時間就喺附近揾個泊車方便嘅地方食個快飯啦。呢度有個錶位停車場，星期日梗係無咁好彩有位啦，呢度方便在於車可以泊喺門口，餐廳有露天位可以到架車，可以安心咁食餐飯 🤭🤭叫咗個午餐粟米魚柳飯同個豬扒魚腐魚麵，粟米魚柳味道可以，但飯就似冷飯，一舊舊咁！炸豬扒魚腐是可以的，但魚麵味道唔夠香。凍奶茶初飲有茶味，但啲冰溶溶吓茶味無晒，如果再濃啲可以飲到底都仲有茶味就正啦。＄42 個餐凍飲加 2 蚊，有免費泊車，又醫飽個肚，點計都係抵嘅 🤣🤣