富興潮州麵家 (Closed)

坦白說在筲箕灣西灣河一帶，粉麵店舖高手林立，老字號的有安利、王林記，要在這一區生存確實不容易。咁啱宵夜時段經過就姑且試一試，價錢唔算貴，平平哋，但毫無驚喜，湯底屬於偏淡嘅類白型。牛丸是自己手打，但彈性欠佳亦欠缺肉味，雲吞是細粒傳統潮州式嘅包法。整體味道普通，但優點是他開得比較夜。如果夜鬼半夜想搵碗麵食下，絕對可以食入口，但只限同區附近的街坊，如果要專誠過嚟，就絕對不建議。另外值得一提的是，他剛搬了去筲箕灣近天悅附近，聽講租金不平，希望佢捱得到。