墾丁茶房 (Closed)

今日同恩人食飯，今次嚟到「墾丁茶房」特色滷水拼盤 配 香菇肉燥飯（$53）拼盤款或唔多，有雞翼，豬頸肉，豆腐，蘿蔔。呢碟拼盤係凍食嚟，因為上枱果陣係唔熱都唔暖。味道方面就比較淡味，唔夠汁水咁。鹽酥雞扒 （$57）雞扒食落係鬆軟，但鬆軟得好奇怪，好似霉霉地咁，但絕對無變壞，可以食落肚。份量都多嘅，晚市嚟講性價比都算高。台式三寶肉燥飯（$54）今次三寶叫咗台灣腸，香煎是日肉餅，魚肉腐皮卷。呢款值得一試，因為幾好食。台式煎肉餅平時比較小食，所以印像好深刻，而且味道唔錯。柱侯牛腩炆蘿蔔鍋（$70）呢款比較失望🤦🏻‍♂️。味道係好夠，但係好死咸嘅味道，淨係覺得咸味好重。柱侯味就唔太出，因為食唔到甜味。蘿蔔心起渣嘅🤦🏻‍♂️🤦🏻‍♂️。不過牛腩都算大大舊嘅。