夏麵館 (荷里活廣場)

Open Now

Now Closed

有時喺Hollywood shopping完，唔太想周圍走，都會去夏麵館食既，大大話話都去過3-4次，唔係話佢特別好食，只係普普通通唔太差，又唔多洗等位啫。呢一晚我地2個女仔叫左5樣野，首先係雞絲粉皮，每次我都會叫，多麻醬，夠凍又好味，夏天既開胃小食喔！另外點左燻蛋，呢個蛋既煙燻味好濃，加埋佢個豉油+美極配搭，真係好香，而且蛋黃係半流心的，好入味，值得試下。糖醋小排骨個汁冇得頂，我極為欣賞的，酸酸甜甜，有d豬腳薑既味道，不過。。。佢d排骨就硬過乜，基本上硬過豬肉乾，我同朋友一致認為就算食唔到d肉，都要啜下d汁(笑)，希望佢d排骨肉林返d就perfect啦！呢碟XO醬辣味雲吞(我忘記左個名) ToT，都唔錯，皮薄得黎又煙un, 內裡既肉都幾juicy，如果XO醬多少少就更好啦！最後係牛腩麵，其實麵夠彈夠爽，湯亦夠濃，可惜主角牛腩真失敗，件件都硬過石頭，我地一件牛腩都食唔到，認真浪費 (>﹏<)。