美心MX (石蔭商場) (Closed)

美心有得食糯米雞，咁早餐又諗唔到食乜好，最尾就叫左呢個好大件嘅糯米雞，望落都覺得好濟。糯米雞飯唔算好乾，都算蒸得幾好，入面有一隻雞翼，但係超級瘦冇乜肉，所以其實唔係話好豐富。另外亦都有啲冬菇粒，整得幾香。同埋有好多唔同嘅碎肉粒，食得唔想太悶，但如果有更加多配料就更加正啦，因為佢有好多糯米雞汁，不過配料方面就唔算太多，連我鍾意食嘅臘腸都冇。所以普普通通啦！