糖川甜品 (Closed)

黃大仙區可以話係甜品荒漠，糖水店來來去去只有三數間。今日同朋友食完飯後就到了鳳凰村吃糖水。糖川係一家咩都有得食既街坊糖水店，中式、西式、綿綿冰、千層蛋糕真係你唸到既都有。腐竹薏米銀杏雪耳雞蛋糖水 $28我叫既腐竹薏米糖水好足料，一眼就見到有滿滿既腐竹，底下仲有薏米、雪耳碎同銀杏。不過唔知係咩原因，食某些材料時隱約食到一陣榴連味。可能儲存在雪櫃時的密封工作做得不夠好。糖水奶白色，一邊飲一邊食到滑溜既腐竹。我自己好少食糖水加蛋，總覺得格格不入，但呢到既糖水組合就係包埋隻蛋係入面，果然蛋還蛋，糖水還糖水，兩者還是分開食好。