Bakery Café by Maxim’s (Closed)

最近見這間美心cafe轉左menu,所以打算一試。七點幾去到，有好多吉位。個新menu多左好多選擇，以前得一兩款農夫包，依家有四款，而且意粉款式都幾多，有我最愛既卡邦尼意粉。不過第一次食想試下廚司之選，點左蝦蟹芝士蘑菇意粉。意粉唔夠彈牙，偏軟身，唔啱我口味。個白汁味道亦太淡⋯不過配料都唔少，有四粒大蝦同一堆蟹肉，蟹肉幾好味。另一道菜係菠蘿包配沙律。菠蘿包切開上中下三層，中間夾住煎蛋、煙肉、火雞腿、芝士等。味道都幾夾。但沙律就只有生菜同少少芝麻醬，好似無咩誠意喎。。最大問題係間cafe冷氣太大，所以食完就雞咁腳走。