港煮意 (Closed)

元朗行街一日，到處都多人，又落雨，唯有係商場搵食，唔係好知食乜好，不如係FOODCOURT搵下野食啦，其實入面都有好多餐廳，價錢都好平，有麵有日本野有韓國野，我就俾呢間野D蛋包飯吸引左。叫左兩個餐，第一個係芝士煙三文魚手卷，就咁睇個名以為係日本壽司D手卷，其實係有D似印度薄餅，餅皮OK，都有D味，質地唔錯，三文魚都幾多，D菜多到爆出黎，加埋沙律醬其實幾易入口都唔錯，不過以一個晚餐黎講，份量其實唔係好夠，或者當佢係小食會好D。第二個餐係吉列炸蝦豬扒蛋飯，賣相唔錯，睇落幾豐富，但係睇真D，塊豬扒仲有少少粉紅色，好似煎熟少少會好D，炸蝦都OK，蛋包飯都唔錯，但個飯有DD細，如果大番D就唔錯，不過今餐先110蚊左右，仲有凍檸茶飲，唔係飲汽水，都冇乜野好投訴。