泰COOL (翩匯坊) (Closed)

朋友揀左呢間黃店，所以就入將軍澳試試佢。餐廳嘅位置都有少少入，不過好在食完飯可以喺海濱位置行吓散下步，減下肥(*¯︶¯*)叫咗個泰式鳳爪，兩個人食嘅份量就OK，但係如果多人食嘅話就應該會唔夠分。另外叫咗豬牛雞串燒同埋燒豬頸肉。燒豬頸肉係好食嘅，夠香口。不過串燒就麻麻哋，overcooked, 豬肉食到我牙較都軟😂泰式炒金邊粉配蝦。賣相100分🤩佢係有個蛋皮包住個金邊粉，不開佢黎食味道都算幾好，不過就有啲太油啦，食到底果陣直情係油浸金邊粉😵最後我地都叫左個馬拉盞炒通菜，份量超級多，兩個人唔會食得晒😦都係食到咁上下覺得有啲油。每人埋單around $2xx 食物質素ok。