逸泉 (Closed)

中午唔知食乜好喺公司附近行去到後行其中一間餐廳，我見啲食物種類都合口味所以就叫咗外賣，自家製豬肉漢堡拼煎蛋飯。買咗之後先發覺，死啦，成間舖頭都冇人，反而隔離嗰間越南舖就爆滿⋯食落都正常，確實係自家製手打豬肉漢堡，食落去鞋鞋地，冇乜嘢調味，亦都冇乜特別。我鍾意味道淡嘅勉強可以接受，其他人可能會覺得好似食緊醫院嘅肉餅咁樣。煎蛋都可以，唔會煎得太熟仍然有少少流心， 飯嘅份量都充足。簡單來講就係唔值呢個價錢，個豬肉漢堡可以俾多啲配料令到口感味道更加豐富。