呢間千兩嘅環境幾舒服，幾靜、坐得幾闊落。
2
呢一個卷真係滿足晒咁多個願望，上面啲配料好豐富，又有好多款，都算幾好食，食落幾新鮮。呢個卷都算幾抵。
呢個三文魚三味，味道就極普通，好似去食元氣咁嘅味，但價錢就貴咗幾倍。
而呢一個帶子柞薯餅就值得一讚，佢揸到外脆內軟，配左啲明太子醬賣相都算唔錯。入面流心啲cream好味，都有啲帶子肉食到。
呢個醬油漬吞拿魚入口即溶，冇筋都算係幾好食，價錢亦唔太貴都值得叫一叫。
個軟殼蟹手卷就冇乜特別，啲肉好少，得啲蟹腳，除咗多咗啲菜，同元氣嘅一模一樣。
1
呢個鮟康魚肝，我個人認為就冇乜特別，唔係太香，不過慶幸都冇腥味嘅。
總體來講，就比較普通，但價錢都唔算太貴嘅，搵唔到食咩嘅時候，食下都唔會話太過失望。
