嚐仙 (Closed)

之前食過幾次鮮芋仙，覺得唔錯，所以今次再試另一間台灣過江龍，希望一樣咁好食。諗住食仙草奶凍，見到佢哋有雙芋和黃金地瓜泥兩種選擇，芋泥就食得多喇，好少見到有地瓜泥，所以叫咗呢個口味嚟試吓，不過地瓜泥無芋泥果種綿密口感，覺得都係芋泥好食啲！芋圓有芋頭、地瓜兩種口味，都算煙韌有咬口。其他配料亦算豐富，有仙草、芋頭、紅豆、珍珠、西米等，另外有一杯花奶俾你自己落。味道不過不失，份量都ok，無特別驚喜，整體都係鮮芋仙更加出色。