樂越 (玫瑰大廈) (Closed)

口淡淡又諗唔到食咩，諗住搵啲濃味嘅嘢食下， 咁啱經過樂越，香港嘅越南餐廳其實唔算多，咁就不如試下啦。坐低睇落環境都唔錯，裝修幾有特色，然後叫咗兩個主食兩個小菜頗有驚喜。1.） 河內生牛肉湯粉，牛肉唔肥但係好香軟，湯底清甜，淨飲湯都覺得好好味。2.） 香脆牛油雞翼撈檬， 雞翼炸得好脆，但係調味一般叫做有牛油香， 檬粉略厭偏爽身不易掛汁。3.） 路邊沙爹雞肉串， 燒得夠香，肉質香軟， 調味香甜，值得再食。4.） 白灼通菜（馬拉盞）， 煮法與別不同，白灼嘅通菜口感清爽再撈馬拉盞醬， 比起一般嘅馬拉盞炒菜個人認為通常過鹹，而這款則恰到好處。