Video
Read full review
2020-11-07
86 views
朗晴坊有間以足球⚽️做主題既💛餐廳，之前係食評app上見到已經有d興趣想試，咁岩早幾日搵餐廳時見到佢地係油麻地開左新分店，訂座仲有88折優惠，趁未有太多人介紹就即刻去嚐鮮😝 雖然新開無耐，但我地坐左一陣已經有8成入座率，可見大家都好熱衷於試新野😳一出電梯就見到餐廳地板鋪上仿草地，窗口更掛上唔少球衣，有部分更有簽名係上面 (至於到底係親筆還是印製我地都討論左好耐😂)；雖然自己並非球迷無乜呢方面既認識，但由於實在比較少去呢類型既主題餐廳，感覺都幾新鮮🤣 同埋呢度會播放柔和音樂🎶，令人進食時有放鬆既心情😌.個人認為呢度CP值相當高，18款晚餐主菜有齊粉麵飯、海鮮、豬牛羊雞可以揀，有埋餐包、沙律、湯同餐飲都只係介乎138蚊至268蚊；當日我地呢餐折左之後居然5百蚊都唔洗認真抵食，想唔大大力懲罰都唔得😂👍🏻值得一讚既係呢度幾位服務員💁🏻♀️💁🏻♂️有禮又重視客人既需要，不時主動埋黎加水、送上吉碟同收走餐盆，離開時更行出門口為我地撳定𨋢，如此貼心實屬少有，所以呢餐飯食得好滿意☺️******************************🍴沙律🥗沙律上桌時係用玻璃密實罐裝住，黑醋醬獨立另上客人可按自己
朗晴坊有間以足球⚽️做主題既💛餐廳，之前係食評app上見到已經有d興趣想試，咁岩早幾日搵餐廳時見到佢地係油麻地開左新分店，訂座仲有88折優惠，趁未有太多人介紹就即刻去嚐鮮😝 雖然新開無耐，但我地坐左一陣已經有8成入座率，可見大家都好熱衷於試新野😳
一出電梯就見到餐廳地板鋪上仿草地，窗口更掛上唔少球衣，有部分更有簽名係上面 (至於到底係親筆還是印製我地都討論左好耐😂)；雖然自己並非球迷無乜呢方面既認識，但由於實在比較少去呢類型既主題餐廳，感覺都幾新鮮🤣 同埋呢度會播放柔和音樂🎶，令人進食時有放鬆既心情😌.
個人認為呢度CP值相當高，18款晚餐主菜有齊粉麵飯、海鮮、豬牛羊雞可以揀，有埋餐包、沙律、湯同餐飲都只係介乎138蚊至268蚊；當日我地呢餐折左之後居然5百蚊都唔洗認真抵食，想唔大大力懲罰都唔得😂👍🏻
值得一讚既係呢度幾位服務員💁🏻♀️💁🏻♂️有禮又重視客人既需要，不時主動埋黎加水、送上吉碟同收走餐盆，離開時更行出門口為我地撳定𨋢，如此貼心實屬少有，所以呢餐飯食得好滿意☺️
******************************
🍴沙律🥗沙律上桌時係用玻璃密實罐裝住，黑醋醬獨立另上客人可按自己需要添加；沙律菜食落爽脆，仲有三色椒、車厘茄同比較特別既乳酪爆珠，酸酸甜甜refresh得黎又開胃😋
-
🍴蒜蓉包🧄🍞
帶有蒜頭碎粒既牛油軟包味道惹味，都幾厚身🤔
-
🍴甘筍湯🥣
甘筍🥕打碎而成既餐湯飲落頗有口感，冇乜調味下味道清甜，個人覺得味道有少少似番薯糖水🍠🤣
-
✨香燒美國Creekstone牛肉眼拼法國鵝肝 ($238)上桌時聞到陣牛脂味已經令人急不及待🤤 雖然menu冇寫牛扒既份量，個人目測都有成16安士🧐
落單時揀左要medium，切開時見到果然做到而且無血水，已經覺得呢度水準不錯😳👏🏻 最滿意既係脂肪同筋膜比例適中，係有史以來食晒全塊牛扒而無多餘脂肪被切走既一次😅 至於燒汁既調味亦適中唔會過鹹，不過就略為普通
另一主角係平時比較少食既鵝肝，咬落去當下油脂馬上溢出，鵝油香氣停留係口腔內久久不散令人欲罷不能想再encore，極度邪惡😖
伴碟既有蕃茄仲有香甜既紫薯蓉同比較少餐廳會供應既羽衣甘藍，令人感覺菜式設計用心💗
-
✨白松露忌廉燴鮑魚美國雞髀扒 ($188)白松露忌廉汁味道香濃突出，夾雜不少雜菌；金黃色既雞髀扒賣相靚仔之餘仲幾大塊，外皮邊位微脆但唔會成塊都脆卜卜；至於肉質就非常嫩滑，醃料夠入味完全食唔到雪藏味
另一罕有係西菜中入饌既鮑魚亦十分新鮮夠晒爽口彈牙，呢份海陸主菜同樣高質，令人有驚喜🤩👍🏻-
✨即製梳乎厘班戟 + Dreyer’s雪糕 ($78+$12)Pancake即叫即製需時約15-20分鐘，當日我地都唔係等左好耐🙂 另外甜品可以加12蚊有單球雪糕，口味可選朱古力/雲呢拿/曲奇
個人覺得pancke食落空氣感不錯，略嫌檸檬汁既味道過於明顯，同埋雪糕雪得有d硬，要放係pancake上面加快溶化🙈
另外仲有少許oreo餅碎同另上既雲呢拿醬，加埋一齊食味道都唔錯，晚餐加甜品有6折優惠，折後60蚊左右都算抵食🤔
-
🍴熱紅棗茶餐飲包29蚊以下飲品，選擇都有不少，有得揀latte同柚子茶等，而呢杯熱紅棗茶飲落唔會偏甜，仲有紅棗碎，感覺天然養生😌
-
🍴凍香濃朱古力(+$3)
朱古力上面有d奶泡都算幾有誠意，可惜味道就無乜特別，係茶餐廳飲到既味道，對比食物就比較失色🙈
******************************
👧🏻人均消費：$240 (折扣後)
😋味道指數：4/5
💰抵食指數：4/5
🪑環境指數：3.5/5
💁🏻♀️服務指數：5/5
👍🏻再訪指數：4/5
-
📍Lockeroom Dining
地址：油麻地彌敦道558-560號譽發廣場8樓
⏰營業時間：11:00–23:00 (Mon–Sun)
(📍旺角朗晴坊亦有分店，營業時間有所不同)
Post
