巨昇冰室

Open Now

Now Closed

餐廳乾淨企理，座位亦都坐得舒服，唔錯唔錯！晚餐E-巨昇秘制奇味滑雞煲呢個雞煲上菜時渣渣聲，仲冒緊煙，仲聞到好香。佢既秘製嘅醬汁好香，啲雞炒得好惹味，好啱配埋白飯一齊食。晚餐D-香辣豉汁尖椒炒鮮魷我比較鍾意食鮮魷，呢過晚餐嘅鮮魷大大塊，好新鮮，配埋豉汁同埋青椒紅椒一齊炒，都好惹味，送飯一流！我見餐廳有手工樽仔奶茶，叫咗一支嚟試吓。呢支奶茶造型可愛，同埋都好好飲，奶茶好滑好香濃，又唔太甜，啱晒我飲！以上兩個晚餐都包一碗白飯、湯同嘢飲，夠晒豐富同飽肚。