越南咖啡室 (Closed)

今日都喺好忙，個仔仔要去健康院，通常去就會幾個鐘，今晚因喺舊歷生日，老公話請我出去食唔好煮，咁就唔洗趕回家買餸同煮飯，二個女都有時間回來陪我食飯，咁又唔想去味皇，女兒提議食越南菜，咁就去咗秀茂坪呢間一試，味道都唔錯，價錢就一般，我哋叫咗個四人餐，女兒又想食檬粉最後加多個，大家都食得好飽就散步回家，今次細女買咗芝士蛋糕而老公就話之前啲花唔靚，今晚唔洗幫手買嘢放工有時間就去咗花虛行下，今次呢扎花好靚，返到家見到好開心，無諗過又有花又蛋糕，今晚又食咗好豐富的一餐，又過咗一個開心快樂的一晚