Video
Read full review
2017-07-26
152 views
話說，因為我朋友的緣故，今晚晚餐主題係黑松露。Achacha 係megabox 5/F，環境唔錯，可以靜靜同朋友吹吹水，多寫意，特設有高枱，有埋吊燈，成件事幾咁浪漫。八掛周圍望下，一家人洋溢著溫馨，情侶浪漫甜蜜又有，一大班朋友圍威喂都有，成個氣氛都好和諧。不得不讚服務員細心，而且手腳都好快，好勤力！黎到戲肉，主題黑松露！！第一樣係黑白松露意粉，遠遠傳來松露芬香撲鼻的氣味，我朋友見到雙眼發光，話想叫多碟⋯⋯咁因為份量好大，怕浪費食物。一食落口，松露嘅味道圍繞著全條舔全個口，少少苦味令您想一食再食，證明佢真材實料，係獨特嘅松露味道。第二樣係黑松露薯條，黑松露與薯條係近幾年新興嘅配塔，而且出奇地夾，價錢又唔太貴，配埋芝士⋯⋯今次同我想叫多碟，因為我係超級薯條迷，最喜歡吃呢種粗大嘅薯條，外脆內軟。Achacha 除左松露，crepe 都係其中一個主打，今次叫個三文魚中和下先，refresh下我嘅味蕾，都無令我地失望，又有菜又有紫薯，好健康。最後雖然冇食到，因為真係好飽，但下次我再黎一定要食鴨脾set dinner，因為見到好多人order，我口水都流哂出黎⋯⋯
Achacha 係megabox 5/F，環境唔錯，可以靜靜同朋友吹吹水，多寫意，特設有高枱，有埋吊燈，成件事幾咁浪漫。八掛周圍望下，一家人洋溢著溫馨，情侶浪漫甜蜜又有，一大班朋友圍威喂都有，成個氣氛都好和諧。
不得不讚服務員細心，而且手腳都好快，好勤力！
黎到戲肉，主題黑松露！！
第一樣係黑白松露意粉，遠遠傳來松露芬香撲鼻的氣味，我朋友見到雙眼發光，話想叫多碟⋯⋯咁因為份量好大，怕浪費食物。一食落口，松露嘅味道圍繞著全條舔全個口，少少苦味令您想一食再食，證明佢真材實料，係獨特嘅松露味道。
第二樣係黑松露薯條，黑松露與薯條係近幾年新興嘅配塔，而且出奇地夾，價錢又唔太貴，配埋芝士⋯⋯今次同我想叫多碟，因為我係超級薯條迷，最喜歡吃呢種粗大嘅薯條，外脆內軟。
Achacha 除左松露，crepe 都係其中一個主打，今次叫個三文魚中和下先，refresh下我嘅味蕾，都無令我地失望，又有菜又有紫薯，好健康。
最後雖然冇食到，因為真係好飽，但下次我再黎一定要食鴨脾set dinner，因為見到好多人order，我口水都流哂出黎⋯⋯
Post
