牛の鍋日本料理

Open Now

Now Closed

牛之鍋正推出晚市無限時任食放題，今次揀左B餐，有海鮮、火鍋、刺身、串燒、甜品和雞煲等可以無限追加。火鍋可選一人一鍋，分別揀左皮蛋芫荽魚片鍋和秘制黑蒜豬骨湯鍋。可經手機點或在自助區海鮮食客可在自助區即場係水缸撈取生猛海鮮，有大頭蝦、海蝦、花蜆和沙白，旁邊亦有冰櫃雪著鮑魚、蟶子、瀨尿蝦、青口等，海鮮種類繁多。串燒分別叫左燒菠蘿、燒雞軟骨、燒糯米小丸子、燒鮑魚、燒牛舌、燒羊肉、燒雞心、多春魚和燒士豆片，每一枱都有盛載串燒的盤，盤下燃點住蠟燭，可以為串燒保持熱既溫度食用。刺身叫左三文魚、鮑片、珍寶赤蝦和北寄貝，附有冰粒保持其冰鮮程度，食落有一定鮮味，可在自助醬料區拎山葵和日本鼓油。肉類三皇雞三皇雞雞皮細肉嫩，雞肉肉質鮮嫩香滑，有濃厚既雞油香味。美國極上牛肉極上牛肉厚薄適中，牛肉味濃郁，口感柔軟多汁，色澤紅潤，完全無筋或「鞋」既情況。甜品雪燕流連忘返一絲絲雪燕飄浮在榴槤糖水中，奶味及榴槤濃郁，整體味道和諧滋味。焦糖燉蛋焦糖用匙羹輕輕敲碎，一啖啖的燉蛋雲呢拿味清香，焦糖提升左整體口感的層次。心太軟心太軟要提早20分鐘叫，即叫即焗，仲附上雪糕一杯。