人和月雞煲火鍋店 (Closed)

星期五即興約咗朋友去尖沙咀閒逛~途經海防道，比佢樓下個牌吸引住咗😂120分鐘任飲任食~ 仲要好似好多選擇~跟住就自動咁上咗去啦🤣上到去服務員都好有禮貌，態度都很好，因為第一次光顧，所以服務員都很詳細講解，首先揀套餐，然後再揀頭盤，之後再揀湯底打邊爐。 頭盤有四款可以比你揀~麻辣雞煲，老檀酸菜魚，鮮味卜卜蜆同埋韓式芝士雞！不過最後我揀咗另外要加錢嘅烤魚 魚好大條啖啖肉，真心我地兩個人食完呢個頭盤都飽😂跟住湯底我就楝咗胡椒豬肚湯 真心好足料，豬肚好多塊，胡椒味超重，愈煲愈入味佢會送一分牛肉拼盤，因為食頭盤都已經好飽，所以食埋呢個牛肉拼盤已經飽到上心口🥶其實佢仲有好多好多野食，豬，雞，丸，菜等等~ 所以如果你個胃夠大真係可以試曬佢每一款野食野飲我揀咗蜂蜜菊花~好好飲，唔會太甜，飲咗三杯最後7點半離座仲有9折tim