大喜屋

Open Now

Now Closed

大喜屋係沙田開左算耐，以前食過一次，今次經朋友介紹再去多次。餐牌有分三個放題時段唔同價錢，今次每人平均$250-300。格局基本上冇變，但食物款式有少少唔同。今次再去好驚喜，首先飲品多左好多選擇。竟然有自助式燒酒自由斟，真係有D估唔到，香港放題應該比較少見。唔單止咁，食物方面刺身盤都有少少改動，明顯針對打卡。質素方面比以前更進步。另外，燒物方面，雞翼燒得恰到好處。特別一讚一口牛，有出面中式小炒風味；而且牛肉鮮嫩，食落唔會太靭。當然唔少得仲有生果同雪糕，都屬正常操作。稍嫌燒菠蘿少少酸。距離港鐵站約10分鐘，附近亦有巴士站，算屬方便。今次體驗明顯感覺食物方面有落苦工，食物質素絕對超越放題。座位舒適，餐廳整體觀感7.5/10。