長阪燒

Open Now

Now Closed

呢間野無論味道定服務，都係「伏」，「直升機」...小妹本著同朋友一心食晚飯，眼見呢間野網上食評大多好評，所以就把心一橫即興上去試下，點知...原來晚市完全無午市既定食，無鰻魚飯，無套餐，無任何優惠，但Open rice可能較少人食晚飯，所以不是太多晚餐評論，而我....就係咁樣中伏呢間野好多人去，唔知係咪咁，所以期間不斷出現漏單同需要催單情況，而且份量少，食物質素同價錢會令我情願去食放題都無咁嬲最後食到無哂心機，等野食都等到灰...唯有格硬叫多碗叉燒烏冬，令自己有少少飽肚感此外，服務質素都係好失望，所有店員好似發緊夢咁做野，收碟快到乜咁，完全無視客人...最後全單連加一$991，好似食咗陣風咁，因為質素太離譜，搞到我忍唔住寫食評，真係可一不可再，以後唔會再去食！