滿小館 (Closed)

中菜一向係我嘅至愛，今日嚟到呢一間曾經食過嘅點心中菜廳食夜晚率先點左啲開胃小食，冰鎮荔枝西紅柿🍅，外型的骰，細細粒去晒皮，非常精緻。咬落好多汁，酸酸甜甜，有種荔枝嘅味道，既清新又爽口。另一款就叫咗鴛鴦小館南非鮑魚，一次試晒璣煮同清酒口味，鮑魚浸得好入味，兩種食落都超級鮮甜又夠彈牙，叫我揀都揀唔落邊種先最正🤣兩款都好味👍🏻一向知道餐廳嘅燒味相當出色，一於叫個冰鎮三層肉同小館鴛鴦叉燒試試味！三層肉皮脆肉嫩而鴛鴦叉燒就非常有創意，一邊係傳統蜜汁，另一邊用上柚子醬，雖然係半肥瘦，但食落口感冇咁油膩！而肉質好嫩，保留少許肉汁，外皮仲有少少香脆添！😋之後嗌多份頭抽乾煎虎蝦皇，店員大力推薦，果然冇介紹錯！上枱見到個尺寸都嚇親，成隻手咁大，最難得係師傅煎到外殼脆卜卜，超級香口，蝦肉爽口彈牙又新鮮，完全冇過火，唔會好鞋，好食到我舔舔脷😋😋而老公夜晚一定要食碗飯或者面，所以今晚就叫咗碟頭抽乾炒安格斯牛肉，餐廳炒得超級有鑊氣😍牛肉份量都幾足，色水好深但係一啲都唔會太鹹！呢間舖頭嘅茶水亦都好有特色，用上爐火去加熱，茶味都幾香純！慢慢一路食一路歎啖茶，滿足晒～❤️❤️