Video
Read full review
2023-03-20
21 views
《沃川自家料理 - 尖沙咀》上星期四喺尖東試左間好古色古香既日式餐廳，同平時食開好新式既精緻日料唔同，呢間餐廳充斥住濃濃既日本懷舊家庭式風味，食既係地道既傳統菜式，無太多太花巧既野，反而令我對呢間餐廳既印象都幾深刻呢餐廳既食物種類都算多，當晚我同朋友樣樣都叫左少少黎試，有刺身、前菜、小食同主食🤭差在無叫酒姐，朋友唔識飲費事啦🤣💁🏻♀️活北寄貝刺身 $280呢個北寄貝刺身同平日喺壽司店食到既唔同，佢既顏色係淺灰色的，平時真係好少機會喺香港食到，口感爽口彈牙，而且有啲好似群邊位既東西，食落特別鮮甜同滑溜，不過份量唔算多，物以罕為貴呀🤭💁🏻♀️自家製厚燒玉子 $68我點名話想食厚燒玉子，因為見到隔離枱既人食得好開心咁，睇落又幾靚仔咼😉玉子燒有濃濃既高湯味，食落唔係乾身果一種，帶有微微甜味同蛋香💁🏻♀️西京銀鱈魚 $198朋友同我原來都同樣喜歡食西京燒，而家喺出面真係多數食到比目魚，好少見到仲會用銀鱈魚啦，呢道菜式送飯一流呢😭我諗我可以食兩碗飯都仲得，銀鱈魚個皮係脆脆的，但入面既肉係軟軟嫩嫩咁幾香滑💁🏻♀️燒和牛小排 $298👍🏻和牛小排油香十足，咩都唔洗點食番牛既原味就最正，雖然佢唔算好大片
上星期四喺尖東試左間好古色古香既日式餐廳，同平時食開好新式既精緻日料唔同，呢間餐廳充斥住濃濃既日本懷舊家庭式風味，食既係地道既傳統菜式，無太多太花巧既野，反而令我對呢間餐廳既印象都幾深刻呢
餐廳既食物種類都算多，當晚我同朋友樣樣都叫左少少黎試，有刺身、前菜、小食同主食🤭差在無叫酒姐，朋友唔識飲費事啦🤣
💁🏻♀️活北寄貝刺身 $280
呢個北寄貝刺身同平日喺壽司店食到既唔同，佢既顏色係淺灰色的，平時真係好少機會喺香港食到，口感爽口彈牙，而且有啲好似群邊位既東西，食落特別鮮甜同滑溜，不過份量唔算多，物以罕為貴呀🤭
💁🏻♀️自家製厚燒玉子 $68
我點名話想食厚燒玉子，因為見到隔離枱既人食得好開心咁，睇落又幾靚仔咼😉玉子燒有濃濃既高湯味，食落唔係乾身果一種，帶有微微甜味同蛋香
💁🏻♀️西京銀鱈魚 $198
朋友同我原來都同樣喜歡食西京燒，而家喺出面真係多數食到比目魚，好少見到仲會用銀鱈魚啦，呢道菜式送飯一流呢😭我諗我可以食兩碗飯都仲得，銀鱈魚個皮係脆脆的，但入面既肉係軟軟嫩嫩咁幾香滑
💁🏻♀️燒和牛小排 $298
👍🏻和牛小排油香十足，咩都唔洗點食番牛既原味就最正，雖然佢唔算好大片，但係足夠兩個人share啦，有入口即溶既感覺，不過始終和牛食食落比較重油脂，夾旁邊既沙律食就最好啦
💁🏻♀️明太子茶漬飯 $88
食多咁多油膩野，臨尾食個茶漬飯真係會好舒服😌特別係茶漬飯清清地既味道配上帶微微辣既明太子一齊食，可以暖暖個胃之餘仲可以清清味蕾添，為當晚黎個happy ending so nice😊
Post
