見到佢哋嘅花花杯呢有成11個款式，真係設計得好靚好有心思呀，雖然話係花花杯，但我今次拎到嘅係兩個都係動物圖案，淺色嗰個係恐龍主題，深色嗰個係恐龍主題，真係好得意😆
🍴玉荷青蘆薈蜜 無糖去冰 $36 (9.5/10)
問過店員因為本身有荔枝蜜，整體會比較偏甜，所以就揀咗無糖~ 四季春茶底好清香，苦中帶澀少少回甘，香甜嘅荔枝蜜，唔會太假太甜，蘆薈好爽口，好有口感，食落一啲都冇罪惡感😆😆整體感覺甜中帶甘，好清新，好適合夏天飲！
🍴橙柚青蘆苷蜜 微糖去冰 $36 (8/10)
好香濃橙汁味，但一啲都唔甜，唔係好飲到柚子嘅味道，但飲落酸酸地甜甜地好開胃，都飲到綠茶嘅嗰種清香同埋澀味，好啱夏天飲，清爽解渴！
推薦指數: 9.5/10
平時鍾意飲果茶嘅我都覺得好好飲，重點係個茶底真係好出色，飲落係好清香嘅感覺，推薦大家可以買來飲下，價錢都唔算太貴！
1
