,擺設食具/ Menu都好有中國特色(宮廷), 這是否一種心理戰呢? 點解客人都要感受到皇帝feel呢? 這是否我們從小就養成的傳統想法?因為大家小時候想必玩過”差皇帝”吧?!唔知西方社會又有否類似的小朋友遊戲呢? 說回食物吧!
點心基本價由$57起至最誇張的”極品三式海鮮餃$138三件, 午市商務套餐則$388/位,都算划算嘅,某程度上看, 看這價位以平常我等草根階層例必避開這種高級食府, 但這天友人K因為有此酒店的優惠咭加上佢有幾百元現金劵又差不多到期,逾期作癈所以叫埋我地一齊來這裡一試”飲茶”,
當日的炸物點心全都很高質素: 蝦多士 – 整個炸得金黃色,在蝦多士中央有一點黑色的唔知係乜?但如果換成一些綠色嘅瓜菜類的話,效果應該更好,例如Baby露荀!
鱈魚蘿蔔絲酥 – 由於鱈魚肉本身魚味不重但勝在夠滑, 放於這點心又幾有計喎! 而且外脆內滑肯定係好味的保證啦,
鮮蝦蟹肶脆春卷 – 呢個比較平凡, 食到有蝦但蟹就真的唔多覺嘞!
酥炸田雞腿 – 呢個同想像的有點不同
, 因為炸漿令田雞腿表面起了很多不平的泡泡,裡頭的田雞肉滑是一定的了,
**炸的點心有時感覺像女生一樣, 必須抓緊時間去欣賞, 精彩的一刻轉瞬即逝, 往往在閒聊之間就過了最合適細味它的那半小時至45分鐘!**
五層燒豬腩肉 – 一碟九件, 個皮燒得好漂亮, 只係得留少少燶色, 五層肉果然係肥瘦相間得好明顯
, 醃味剛剛啱味, 不過, $21/件就真的唔係平時個價囉!
蒸的點心類: 極品三式海鮮餃 (陳皮星斑餃/金箔龍蝦餃/黑菌帶子餃)– 不愧是”極品”的價錢, 賣相特別精緻, 外型似三朶玫瑰花但三個顏色,三種內餡各自有特色,
晶瑩荀尖鮮蝦餃 – $19/粒當然味道唔會令人失望, 不過話說回來現在某些深水埗區點心專門店的貴價點心都收呢個價錢! 問你服未?
醬油雞(半隻) 瓦窩上 – 熱騰騰的拿上來升起陣陣白煙, 雞肉是一般的淋滑, 醬油味道當然亦是調較到恰到好處,
三文魚蛋白炒飯
– 反而原來這個才是高潮所在, 飯炒得乾身之餘亦能保持三文魚粒粒不會過熟嚡口, 加上蔥青點綴填補上點點綠, 師傅的炒飯功力可以說應該經歷了不少歲月的洗禮吧!看似簡單不過的一個炒飯要做出水準是件不容易的事, 往往我們常挖空心思去做些難度特高的動作以表現自己如何比別人優秀但其實有實力的話何須要令人眼前一亮, 一招以簡破繁, 嬴到漂亮亦簡單,
最後甜品環節, 我們見櫺每枱差不多都會要一個芝士蛋糕, 原來那個蛋糕是某飲食會卷送的生日蛋糕, 開頭友人K還說這個送的蛋糕只是個很簡單的雜菓鲜忌廉蛋糕, 因為他們在之前一, 兩年都是送同樣的鲜忌廉蛋糕, 誰不知今年改變送芝士蛋糕(應該有接近一磅重吧), 結果是四個人食晒一個這樣的芝士蛋糕, 這個是焗的芝士蛋糕, 檸檬味道較強,亦即是酸啦, 可能咁都好嘅感覺上無咁飽滯,
服務當然唔會差啦, 不過同價錢成正比的!
