豫園 (Moved) New Location

今晚一試車胎人推薦既餐廳，的確無令人失望。每一個菜式都feeling到用心去煮。而且樓面既侍應們好細心，幫我將薏米水番熱，薏米水暖暖的，又唔太甜👍🏻先食個上海點心 - 蘿蔔絲酥餅，即叫即做，熱辣辣，外層鬆化，內裡有滿滿的蘿蔔絲，而且干身，一d都唔油膩。再黎另一個滬式小食 - 富貴火舫，內有桂花糖，但甜而不膩，平衡返金華火腿既咸香，再加有青瓜同脆腐皮，帶有不同層次既口感。主菜 - 豫園惹味豬全骨，今次食既豬全骨不單味道好，最好既係肉質鬆軟、入味，而且一d都唔會干或硬。之後 - 砂鍋雲吞雞，我地揀左一人一盅，個雞湯好香、濃郁，而且雲吞多餡好食！