Video
Read full review
2025-04-23
56 views
煩緊慶生定紀念日去邊間 fine dining 餐廳好🧐「Le Chefeteria」絕對值得 bookmark‼️隱身銅鑼灣鬧市，由峇里裔星級米芝蓮主廚主理🌟主打「Handmade from the heart」理念，將精緻法國菜混入東南亞風味重新演繹💕招牌藝術甜品畫碟靚到唔捨得食，為特別日子留低難忘一刻🥹.餐廳近期更入圍Dining City 2025春季香港餐廳周贏家版✨3月26日至4月27日可以低至$198/位品嚐精選餐單，抵到無人有😝.有別於一般法國餐廳，餐廳裝潢走溫暖木色配東南亞風🪵枱面用上彩色花布摺巾同亮眼小花點綴，儀式感滿滿💐中間仲有一張白色大理石開放式料理枱，可以近距離睇住主廚現場整roti、處理海鮮，氣氛又chill又有火花💥.🌟Deluxe Version Chef Azmi’s Signatures Dinner Tasting Menu💰$536/pp.🔸Amuse Bouche🍴薄脆芋頭片以峇里香料調味，香氣溫柔，唔油唔膩，食完開胃感滿分😋.🍴檸汁醃魚生Ceviche三文魚配蕃茄、柑橘醬汁同手工薄餅，酸香清爽，細細件但層次分明，夠哂精緻😌.🔸Soup🍴龍蝦濃湯
.
餐廳近期更入圍Dining City 2025春季香港餐廳周贏家版✨3月26日至4月27日可以低至$198/位品嚐精選餐單，抵到無人有😝
.
有別於一般法國餐廳，餐廳裝潢走溫暖木色配東南亞風🪵枱面用上彩色花布摺巾同亮眼小花點綴，儀式感滿滿💐中間仲有一張白色大理石開放式料理枱，可以近距離睇住主廚現場整roti、處理海鮮，氣氛又chill又有火花💥
.
🌟Deluxe Version Chef Azmi’s Signatures Dinner Tasting Menu
💰$536/pp
.
🔸Amuse Bouche
🍴薄脆芋頭片
以峇里香料調味，香氣溫柔，唔油唔膩，食完開胃感滿分😋
.
🍴檸汁醃魚生Ceviche
三文魚配蕃茄、柑橘醬汁同手工薄餅，酸香清爽，細細件但層次分明，夠哂精緻😌
.
🔸Soup
🍴龍蝦濃湯 Lobster Bisque
用24小時慢煮熬製龍蝦🦞過程中完全唔加忌廉，改用椰子奶做湯底🥥飲落帶點南洋椰香，味道輕盈但龍蝦味超濃😍中間嘅牛油果醬幼滑香濃，加埋一齊食層次更豐富🥑
.
🍴蕃茄薄荷湯 Tomato Mint Soup
一碗湯集齊四種蕃茄煮法：法式慢燉、椰殼煙燻、半日曬乾、低溫油封🍅濃縮番茄精華，酸中帶甜，再混入薄荷汁提香，飲落清爽得嚟又有深度🌿
.
🔸Pasta 日本蘭黃蛋手工意粉
🍴牛油果鮮菇檸檬
用上日本蘭黃蛋自家製手工闊麵🥚牛油果醬濃滑，加埋鮮菇同檸檬汁，味道清新之餘又有口感，食完零負擔，走健康路線但唔寡😝
.
🍴黑椒紅酒牛膝
靈感來自茶餐廳黑椒意粉，主廚用紅酒煮黑椒汁，無落芡，清爽得嚟味道超濃郁😚牛膝用椰子殼煙燻過後香氣再升級，拌埋蛋香十足嘅手工麵，好有港式情懷嘅創新演繹🇭🇰
.
🔸Appetiser
🍴油封鴨腿、沾醬、迷你意大利飯配米餅
鴨腿以傳統法式低溫油封方式慢煮，令鴨油及脂肪融解，入口唔油膩之餘依然保持嫩滑💕配上自家製越南青檸酸辣汁，增添清爽感，更突出鴨香❣️配菜迷你risotto唔落芝士奶油，改用雜菜湯及牛奶，健康又不失香濃😙加埋脆卜卜越南米紙，口感層次好豐富👍🏻
.
🔸Main
🍴When the Ocean Meets the Sea 大海小池咖喱鍋
一上枱已經香氣四溢，賣相豐富且充滿東南亞色彩🥘主角有西班牙紅蝦、軟殼蟹、魷魚、魚塊，全部浸喺以法式海鮮清湯打底，再混入紅咖哩煮成嘅醬汁入面，香料香得嚟唔搶戲，反而更帶出每款海鮮嘅鮮甜😚旁邊仲有用蕉葉包住嘅斑蘭椰奶飯，淡淡椰香加上糯軟口感，配埋個惹味咖哩一齊食，好有峇里風味🏝️
.
Surf n Turf 海陸大餐
阿根廷黑安格斯牛里脊經椰殼煙燻處理🥥入口肉味濃郁得嚟又夠嫩，切開係完美粉嫩熟度，令人回味🤤西班牙紅蝦鮮甜彈牙，蝦味濃郁🦐配菜方面，椰奶、香茅同檸檬葉調製嘅薯蓉，口感細膩，帶有東南亞獨特清香😌法式千層薯批香脆中見柔滑，層次分明👍🏻
.
🔸Dessert
🍰檸檬芝士蛋糕
全晚MVP登場🌟超精緻且富藝術感卡通甜品畫碟，打卡一流📸適逢當晚慶祝紀念日，見到碟上專屬卡通真係有Ｄ感動🥹重點呢個貼心服務係免費‼️只要訂座時Send相及字俾餐廳，佢哋就會人手畫上碟🎨即使每碟都畫成幾個鐘，但只要客人開心就夠，誠意值爆燈💯甜品檸檬芝士蛋糕清新唔膩，配自家製紅莓醬及紅莓雪葩，酸甜平衡🍓
.
🍰香蕉煎餅
呢個甜品睇住整已經夠晒精彩😆大廚即場搓餅底，將粉團拋到半空再拉薄，手勢超熟練👨🏻🍳成品與一般街頭香蕉煎餅唔同，香脆乾身無咁油🍌以芒果醬代替煉奶，甜度啱啱好，清爽又滿足😙睇得又食得，畫面感＋味道都一流😍
.
🔸Drink
🍵烏龍玫瑰冷泡茶
清香淡雅，茶底順滑帶微微花香，為晚餐輕輕揭開序幕🌹
🍵 Dammann Frères Bali
餐後再奉上法國百年精品茶品牌 Dammann Frères 嘅熱茶，揀咗「Bali」口味，綠茶茶底透出果香花香，仲有陣陣荔枝酸甜味，飲落好有熱帶風情🏝️
Post
