Starò

Open Now

Now Closed

Staro係一間好有情調既餐廳，成個環境較為昏暗，以星空做主題，一邊食飯一邊望星星💫好浪漫。座位寬闊坐得舒服（有特別的圓形卡座及四人卡座），而且播著輕快外國音樂，成餐飯都好放鬆😎。除左晚市爆滿，下午茶一樣好受歡迎👏。LAZY HOUR「悠閒時光」下午茶包括了「free flow detox water」無限暢飲蔬果排毒水。咁健康既飲品好岩女士飲用。下午茶款式多元化，多款鹹食及甜品選擇。有飯/意粉/多士/蛋糕等等。魚子醬水波蛋鮮牛油果🥑煙三文魚配自家製酸種麵包🥖：我超鍾意食水波蛋，原粒食慢慢飲佢既生蛋黃汁好creamy，配埋魚子醬個陣鹹香味好正。多士好鬆脆。自家製草莓🍓芝麻熔岩蛋糕🍰打卡之選！個蛋糕外型似足火山🌋。依個蛋糕係二人份量，可以share食。點解係熔岩？因為中間個汁一拎高就會爆汁瀉晒出來。個醬加左草莓味道酸酸甜甜咁，配軟綿綿既蛋糕好match。每款下午茶套餐除了包括任飲蔬果排毒水外，亦包括一杯餐飲。我喜歡飲熱茶解滯。這裡的熱茶是一壺奉上的。另外亦有咖啡/奶茶等選擇！