千両 (港威商場)

Open Now

Now Closed

星期日同兩個朋友去海港城千両食飯，時間好早無乜人，店員第一時間俾卡位，正😁。因為未到正常晚飯時間，所以入座時場內都好似只得一、兩檯客。其實千両一向裝修都ok，坐位都係闊絡舒適嘅👍🏻。三個人叫左好多嘢，有男仔朋友在場，覺得叫乜都一定食得晒嘅！所以叫左好多唔同款嘅壽司！食材好新鮮，上菜又夠快，我自己最中意就係海膽壽司。今次除左點慣常都會點嘅壽司款式外，仲點左第一次試嘅炙燒極上鹿兒島和牛卷，賣相滿分，好靚！不過味道有d咸(我地三個都覺得)。另外仲有牛油清酒煮蜆，少少一鍋，酒味偏淡，但蜆肉算肥美，個湯都好好飲，我飲晒😂，其實我一個人都可以食晒一鍋😂！而牛油焗雜箘都係滿滿牛油香，份量適中，兩、三人分就剛剛好。仲有香草海鮮沙律，沙律菜新鮮，海鮮份量都唔少。最後仲試左個期間限定嘅原個海膽，完全無失望，非常鮮甜。雖然個海膽等左好耐，但係係值得嘅！