燒肉の牛太・本陣 (創紀之城五期(apm))

Open Now

Now Closed

話說星期日心血來潮想食燒肉,本來想去牛角,但見到呢間反正又未試過,就去apm試下。呢度嘅午餐星期六日及公眾假期供應都有得供應,同平日嘅價錢差唔多,唔會因為weekend就貴到離譜,而且有set lunch同埋放題可以選擇。我哋兩個揀咗set lunch,大家都係揀咗牛三品個套餐,地方都算闊落, 如果兩個人嘅話枱與枱之間就比較貼,只得一條小小的空隙,隔離檯講乜都會聽到曬。呢度係用ipad落單,嘢食都嚟得好快, 店員仲話畀我哋知有個沙律吧,等緊既時候可以食少少先。沙律吧唔係主菜當然款式比較少, 我就食咗少少罐頭菠蘿同埋罐頭粟米粒。 邊度嘅lunch set包埋海帶湯,白飯,雜菇及一罐飲品,算係幾豐富。呢個牛三品其實我哋就唔知係咩嚟,只係覺得好似肥牛咁樣薄薄地個幾塊係比較好食,唔會太肥但係有油脂, 都有輕微牛肉味,對得住價位。而呢度同牛角最大嘅分別,喺呢度嘅醬汁只有燒汁一款, 而且都唔可以加錢轉紫菜飯或者玉子菜飯。 海帶蛋花湯就比較淡我飲咗兩啖就算啦,跟餐揀咗一罐維他檸檬茶,呢度係走飲管嘅,抵讚。入座嘅時候店員會同你講明係限時60分鐘,而到55分鐘嘅時候會有人嚟提你埋單,雖然座位都有比較多空