Video
Read full review
2011-02-27
8 views
忍唔住要寫呢個食評之前未搬舖前也曾光顧此店，今晚到山林道搵食先知原來文華搬左去呢間大舖，我地兩個人入到去時間大約八點半到，企左o係門口竟然無人理，同一時間也有其他食客入到黎，大大話話門口企左七個人，但都無店員招待帶位，等左兩三分鐘終於有個阿姐埋黎問大家幾多位然後逐一登記，好喇...但我地睇到有幾台有吉位，但點解都無人帶位而且仲要登記?有個等緊位o既食客嘈佢地話果度咪有位...店員先施施然帶位埋去坐。坐低左...發覺已經有o的唔對路，其他食客個個都好有怨氣咁，又話叫左咩咩咩未黎，又話未黎就取消唔要咁說話，此時已有店員傳上兩碗節瓜清湯，味道不錯，好喇先落單，都係等左一陣先有人埋黎落單，一落單佢竟然話無晒肉骨茶，都算...竟然話連喇沙都無晒!最後只好叫個白切無骨海南雞飯。聽到佢地講話星期日休息，又話九點半收工所以無預到咁多食材，我諗佢地都唔係第一日星期六做生意掛，連基本食材份量planning都無，八點半已經話賣晒o的野，落單個伙計係咁同客人講唔好意思唔好意思，跟住又聽到廚房入面話剩返三隻白雞咁大把，心諗得三隻雞點頂到九點半收工呢?等左一陣海南雞飯上台，但雞o既份量好明顯少左，之前食過都無
之前未搬舖前也曾光顧此店，今晚到山林道搵食先知原來文華搬左去呢間大舖，我地兩個人入到去時間大約八點半到，企左o係門口竟然無人理，同一時間也有其他食客入到黎，大大話話門口企左七個人，但都無店員招待帶位，等左兩三分鐘終於有個阿姐埋黎問大家幾多位然後逐一登記，好喇...但我地睇到有幾台有吉位，但點解都無人帶位而且仲要登記?有個等緊位o既食客嘈佢地話果度咪有位...店員先施施然帶位埋去坐。
坐低左...發覺已經有o的唔對路，其他食客個個都好有怨氣咁，又話叫左咩咩咩未黎，又話未黎就取消唔要咁說話，此時已有店員傳上兩碗節瓜清湯，味道不錯，好喇先落單，都係等左一陣先有人埋黎落單，一落單佢竟然話無晒肉骨茶，都算...竟然話連喇沙都無晒!最後只好叫個白切無骨海南雞飯。
聽到佢地講話星期日休息，又話九點半收工所以無預到咁多食材，我諗佢地都唔係第一日星期六做生意掛，連基本食材份量planning都無，八點半已經話賣晒o的野，落單個伙計係咁同客人講唔好意思唔好意思，跟住又聽到廚房入面話剩返三隻白雞咁大把，心諗得三隻雞點頂到九點半收工呢?
等左一陣海南雞飯上台，但雞o既份量好明顯少左，之前食過都無咁少，睇返其他食評照片真係少左一大截，到底係由於通漲關係定係佢今晚得返三隻雞先搞到份量少左呢?$38食完餐飯仲要再搵地過食野...
講返食物質素還算可以，至於服務方面真係有待改善，樓面職員好似個個都新手上路，搬左新店後人係多左，但個個做野都好似慢幾拍咁，仲見到其他人成日漏單，枉佢仲要六點後再收加一。
奉勸各位要幫襯的話就唔好選擇星期六晚上。
Post