南京金陵湯包 (Closed)

今日去京瑞廣場食Lunch，個頭都開左好多餐廳，呢間餐廳冇咩人，不過可以用8達通比錢，於是就唯有食呢間。蝦仁炒飯就幾好味，乾身，冇三洋咁多油都咁濕，不過個碟好核突，睇落份量好似好少咁，要注意這是下午茶。五香牛展麵就清清地，味道還可以，不過上海粗炒就炒到好核突，而且等左成半個鐘，催左好多次，唔知咩原因，味道都係一般。白肉就冇譚仔咁好味，而且比較厚身，同埋冇辣油係差咁D味，最好味反而係個青瓜，意外驚喜，鍋貼同抄手都不過不失。唔記得左影個湯包，因為好遲先到，而且只係一個普通的小籠包，味道冇咩特別，比佢個店名騙左。呢間店響大陸各省都好多分店，今日食完唔覺有咩特色，同一般內地食肆冇咩分別，人流唔算特別多，環境就似係茶餐廳風格。作為下午茶價錢貴左少少，我覺得炒飯同埋麵食都可以試下。