Video
Read full review
2018-05-01
187 views
行過見佢大大個餐牌寫住$188一個full set嘅晚餐，由頭盤到甜品都有，價錢上好抵咁，今晚就同朋友上黎試試佢先。撘lift上二樓，原來全幢大廈得佢㗎咋，全部同lift嘅人都係黎食佢嘅。餐廳佔地全層，坐位滿多的，雖然好多人一齊黎，但都唔使等可以即刻入座。帶位姐姐示意用餐時間1.5小時，正常一餐西餐個半鐘應該食得完，沒想太多就應承了。去片睇下$188有咩食啦巴黎汁田螺焗薯蓉田螺肥美，薯蓉軟滑熱辣辣的，即烘起的。蜜糖芥末薯仔沙律沙律不過不失，蜜糖芥末醬調味不錯。生蠔海鮮併盤有生蠔一大隻，成隻手掌咁大，肥美爽口又鮮甜，好食另外仲有蝦三隻，幾爽口。同蟹柳三條，雪味較重都ok啦。香煎法國鵝肝鵝肝煎得香口，但有少少腥味，可能係因為凍左？龍蝦湯聞落真係好香龍蝦味呀，不過飲落酸酸地有啲似蕃茄湯咁，好搞笑蒜蓉多士，一早焗定當然是又凍又硬啦，連湯食都ok嘅，浸返淋佢。玫瑰岩鹹燒石班魚柳配原隻南瓜芝士意大利飯好長的主菜名魚柳好滑，層皮煎得好脆，鹹鹹地好味喎。意大利飯一整個南瓜滿哂㗎，用了南瓜去煮甜甜地，加埋芝士同忌廉好好味，飽肚之選炭燒美國西冷扒另一份選了牛扒，有8oz都唔細塊啦，七成熟剛剛好，牛味十足又
撘lift上二樓，原來全幢大廈得佢㗎咋，全部同lift嘅人都係黎食佢嘅。餐廳佔地全層，坐位滿多的，雖然好多人一齊黎，但都唔使等可以即刻入座。
帶位姐姐示意用餐時間1.5小時，正常一餐西餐個半鐘應該食得完，沒想太多就應承了。去片睇下$188有咩食啦
巴黎汁田螺焗薯蓉田螺肥美，薯蓉軟滑熱辣辣的，即烘起的。
蜜糖芥末薯仔沙律沙律不過不失，蜜糖芥末醬調味不錯。
生蠔海鮮併盤有生蠔一大隻，成隻手掌咁大，肥美爽口又鮮甜，好食另外仲有蝦三隻，幾爽口。同蟹柳三條，雪味較重都ok啦。
香煎法國鵝肝鵝肝煎得香口，但有少少腥味，可能係因為凍左？
龍蝦湯聞落真係好香龍蝦味呀，不過飲落酸酸地有啲似蕃茄湯咁，好搞笑
蒜蓉多士，一早焗定當然是又凍又硬啦，連湯食都ok嘅，浸返淋佢。
玫瑰岩鹹燒石班魚柳配原隻南瓜芝士意大利飯好長的主菜名魚柳好滑，層皮煎得好脆，鹹鹹地好味喎。
意大利飯一整個南瓜滿哂㗎，用了南瓜去煮甜甜地，加埋芝士同忌廉好好味，飽肚之選
炭燒美國西冷扒另一份選了牛扒，有8oz都唔細塊啦，七成熟剛剛好，牛味十足又無渣，合格有餘了
牛扒下有薯蓉，雜菜等，都夠飽的。
法式焦糖燉蛋蛋香甜又滑，好味。
朱古力心太軟好流心，好多朱古力漿，但略微太甜，個人較喜歡苦苦的朱古力。
頭盤好快就到，但食完後等了30分鐘才有餐湯，再20分鐘才來主菜，主菜食完後呢，甜品一直等也不見蹤影，追單多次後約45分鐘左右有了，但餐飲是一落單追到食完都無，店員只回了一句無理由已入單廚房，所以呢，夠鐘也沒還枱。
同朋友飲住水打下機咁，又ok喎，要係旺角搵個地方hea都唔易，而且我倆都有帶叉電器，慢慢玩下先，大概食了三個鐘，再等餐飲都是不來，算了，放棄吧。
隔離枱的幾位男仕似乎已經食了很多次，很有經驗地叫我們不用急，還枱時間只是虛設，根本不會趕得切，而且他們的餐飲只點了汽水也等了兩小時，哈哈，他們一枱正興高采烈地吹水呢，氣氛熾熱。
Post
